Палестина аумағындағы адам құқықтары туралы БҰҰ-ның арнайы баяндамашысы Франческо Албанезе Израильмен дипломатиялық қатынастарды тоқтатуға шақырды, деп хабарлайды Ulysmedia.kz.
Бұл туралы Франческа Албанезе әлеуметтік желілерде жазды. Ол Израиль Гаагадағы Халықаралық соттың үкімін тыңдамағанына және Рапақтағы әскери операцияны жалғастырып жатқанына назар аударды.
– Жағдайды түсіндірейік. Халықаралық сот Израильге Рапаққа шабуылын тоқтатуды бұйырады, ал Израиль керісінше, шабуылдарын күшейтеді.
Мен сол жерде қалып қойған адамдардан алған жаңалықтарым қорқынышты; - деді ол.
Арнайы баяндамашы Израильге қарсы санкциялар енгізуге және осы елмен дипломатиялық қатынастарды тоқтатуға шақырды.
– Сенімді болыңыз: біз оны тоқтатқанға дейін Израиль бұл ақылсыздықты тоқтатпайды. Мүше мемлекеттер санкциялар, қару-жарақ эмбаргосын енгізіп, Израильмен дипломатиялықсаяси қатынастарды ол тоқтағанға дейін тоқтата тұруы керек", - деп қосты Франческа Албанезе.
Рапақ – Газа секторының оңтүстігіндегі соңғы қала.
20 мамырда Халықаралық қылмыстық соттың прокуроры Нетаньяхуды тұтқындауға санкция беруді талап етті.
6 мамырда Израиль Рафахта 50-ден астам нысанаға шабуыл жасады. 7 мамырда Израиль армиясы Палестина жағынан "Рафах" бақылау бекетін бақылауға алғаны белгілі болды. 800 мың палестиналықтар Рафахтан қашуға мәжбүр болды. БҰҰ Бас хатшысы Антонио Гутерриш Израильдің Рафахтағы операциясы гуманитарлық кошмар болуы мүмкін деп мәлімдеді.
