Алматы полиция департаменті 30 мамырда қала көшелерінің кейбір аймақтарында жол қозғалысының шектелуі мүмкін екенін айтты, деп хабарлайды Ulysmedia.kz.
Полицейлер Алматыда 30 мамыр мен 6 маусым аралығында бірқатар халықаралық іс-шаралар өтетінін атап өтті:
30-31 мамыр-ҰҚШҰ-ға мүше мемлекеттердің Қорғаныс министрлері кеңесінің отырысы.
2-3 маусым – ҰҚШҰ Парламенттік Ассамблеясы Кеңесінің отырысы.
5-6 маусым-ҰҚШҰ Қауіпсіздік кеңестері хатшылары комитетінің отырысы.
"Осыған байланысты іс-шаралардың ауқымын, сондай-ақ қатысушылар мен қонақтардың санын ескере отырып, Алматы қаласының полиция департаменті жол қозғалысын ішінара шектеу туралы хабарлайды. Жол шектеулері қоғамдық көлік қозғалысына әсер етпейтінін атап өтеміз,"- делінген хабарламада.
ПД азаматтардан уақытша шараларға түсіністікпен қарауды және кептеліс жағдайларын болдырмау үшін қозғалыс бағытын алдын-ала түзетуді сұрады.
Бұған дейін
Алматыда Қазақстан қорғаныс ведомствосының басшысы Ұжымдық қауіпсіздік туралы шарт ұйымы Қорғаныс министрлері кеңесінің отырысына келген ресейлік әріптесімен кездескенін хабарлаған едік.
