Қазақстан ұлттық құрамасының бұрынғы бас бапкері Магомед Адиев қызметінен кеткеннен кейін үндеу жасады, деп хабарлайды Ulys Sport.
Адиев Қазақстандағы жұмыс ол үшін кәсіби кезең ғана емес, өмірдің маңызды бөлігі болғанын атап өтті.
– Құрметті достар, қазақстандықтар! Қазақстан мен үшін жай ғана жұмыс орыны емес, менің екінші үйім болды. Елдің бас командасының жаттықтырушысы болу – кез-келген тәлімгердің арманы! Кету жөнінде шешім маған ауыр болды. Мен Қазақстанға шексіз ризамын әрі президент Қасым-Жомарт Кемелұлы Тоқаевқа шын жүректен ризашылығымды білдіремін. Оның футболға назар аударуы және спортты дамытуды қолдауы ойыншыларды керемет ынталандырып, жанкүйерлерді шабыттандырады, – деді Адиев.
Ол сондай-ақ ұлттық құраманың ойыншыларының жоғары кәсібилігін атап өтті.
– Ұлттық құраманың, жаттықтырушылар штабының және федерацияның әкімшілік блогының жігіттеріне жемісті ынтымақтастық үшін үлкен рахмет. Біз бірге көптеген сынақтан өттік, жеңістерге қуандық және жеңілістерден сабақ алдық. Мен осындай мамандармен жұмыс істеу құрметіне ие болғанымды мақтан тұтамын. Бұл баға жетпес тәжірибе."
Адиев жанкүйерлерге ерекше алғысын білдірді.
"Әрине, мен жанкүйерлерімізге ерекше алғысымды білдіргім келеді. Сіздер бізді әрдайым қолдап, стадиондарда патриоттық атмосфера жасадыңыздар! Қазақстандықтардың бірлігін көрсете отырып, көшпелі матчтарда еріп жүрдіңіздер. Бұл эмоцияларға баға жетпейді, ұмытылмайды. Қазақстан құрамасы дамып, жаңа биіктерге жетеді деп сенем. Біздің ойыншылар – ең жоғары марапаттарға лайық нағыз кәсіпқой мамандар. Рахмет! Қазақстан менің жүрегімде мәңгі қалады."
Еске сала кетейік, кеше Магомед Адиев Қазақстан құрамасының бас бапкері қызметінен кеткен еді.
Магомед Мұсайұлы Грозный қаласында дүниеге келген. Әр жылдары Адиев өз клубында өнер көрсетіп, онымен бірге Ресей кубогын жеңіп алғаны жазылады.
Адиев Қазақстан ұлттық құрамасын 2022 жылдың сәуірінен бастап жаттықтырды.
