Биыл шілде айында қазақстандықтардың қанша күн демалатыны белгілі болды, деп хабарлайды Ulysmedia.kz.
Биыл Астана күні - 6 шілде сенбіге түсіп тұр. Сондықтан бұл күнгі демалыс дүйсенбі, 8 шілдеге ауысады. Қазақстандықтар үшін 6, 7, 8 шілде күндері демалыс болады.
Сонымен қатар 13, 14 шілде, 20, 21 шілде, 27, 28 шілдеде, яғни сенбі-жексенбі күндері қазақстандықтар әдеттегідей демалады.
Сондай-ақ осы айда кәсіби және басқа да мерекелер бар. Жұмыс күндеріне қарамастан, бұл күндер де аталып өтеді.
2 шілде – Дипломатиялық қызмет күні.
7 шілде (шілденің бірінші жексенбісі) – Ұлттық домбыра күні.
9 шілде – Су шаруашылығы қызметкерлері күні.
13 шілде – Қазақстан Республикасы Ұлттық қауіпсіздік органдарының күні.
14 шілде – Нотариат күні.
14 шілде (шілденің екінші жексенбісі) – Балық шаруашылығы қызметкерлері күні
21 шілде (шілденің үшінші жексенбісі) – Металлург күні.
28 шілде (шілденің төртінші жексенбісі) – Сауда қызметкерлері күні.
