Қазақстанда қатты жаңбыр мен бұршақ жауады – Қазгидромет

Қазақстанда қатты жаңбыр мен бұршақ жауады – Қазгидромет

Болжамға сәйкес, елдің солтүстігінде, солтүстік-батысында және батысында қатты жаңбыр жауып, найзағай ойнап, қатты жел соғады. 22-24 маусым аралығында синоптиктер бұл аймақтарда бұршақ жауады деп болжайды.

– Елдің батысы мен шығысында температура күндіз 35-39 °С дейін, солтүстік-батыста — 22-30 °С дейін, оңтүстікте — 30-38 °С дейін, оңтүстік-шығыста — 25-38 °С дейін, солтүстікте — 23-36 °С дейін көтеріледі, – деп болжайды Қазгидромет.

Қазгидромет мұның алдында Қазақстанның бес облысында алдағы 10 күнде атмосфералық құрғақшылық басталатынын хабарлады. Олар:

• Жамбыл облысы: Байзақ, Талас, Сарысу, Жуалы, Жамбыл және Рысқұлов аудандары;
• Түркістан облысы: Түркістан, Сайрам, Шардара және Жетісай аудандары;
• Қызылорда облысы: Арал ауданы;
• Алматы облысы: Балқаш және Жамбыл аудандары;
• Ұлытау: Ұлытау ауданы.

Сондай-ақ, синоптиктердің болжамына сәйкес, бірқатар облыста қатты жылу және өрт қаупі күтіледі.