Ұжымдық қауіпсіздік туралы шарт ұйымы (ҰҚШҰ) Қазақстанның Голан биіктеріндегі бітімгершілік миссиясына қатысуы туралы айтты, деп хабарлайды Ulysmedia.kz.
ҰҚШҰ-ның Тұрақты кеңесі Қазақстанның БҰҰ-ның Голан биіктеріндегі миссиясына қатысуы ҰҚШҰ бітімгершілік күштерінің дамуы мен мүмкіндіктерін кеңейтуге елеулі үлес болатынына сенім білдірді.
"ҰҚШҰ Тұрақты кеңесі Қазақстан Республикасы Ұлттық бітімгершілік контингентінің БҰҰ күштерінің құрамына Голан биіктіктерінде бөлінуді бақылау бойынша өз бетінше қатысуын құптайды және бұл тәжірибе ҰҚШҰ бітімгершілік күштерінің әлеуетін одан әрі арттыруға, олардың мүмкіндіктерінің спектрін кеңейтуге практикалық үлес болатынына сенім білдіреді", - делінген ҰҚШҰ баспасөз қызметінің мәлімдемесінде.
Ұйым ҰҚШҰ бітімгершілік контингенттерін жүйелі даярлауды жалғастыратынын атап өтті. Бұл БҰҰ стандарттарын ескере отырып, ұлттық бағдарламалар бойынша да, ҰҚШҰ-ның "бұзылмайтын бауырластық" тұрақты бірлескен оқу-жаттығулары шеңберінде де жүзеге асырылатын болады.
2025 жылға дейінгі Ұжымдық қауіпсіздік
ҰҚШҰ 2025 жылға дейінгі кезеңге арналған Ұжымдық қауіпсіздік стратегиясына өзінің адалдығын және БҰҰ-мен бітімгершілік саласында ынтымақтасуға дайындығын растады.
