Жол-көлік оқиғасына кінәлі болып, басқа біреудің көлігіне зақым келтірген кезде әскери бөлімге тиесілі көлікті басқарған, деп хабарлайды Ulysmedia.kz.
2023 жылдың желтоқсанында С. әскери бөлімге тиесілі көлікті басқара алмай және талапкер Д. - ның көлігімен соқтығысып, оны зақымдаған. Иесі көлігін жөндегені үшін залалды өтеу туралы сотқа жүгінеді. Сараптама нәтижесі бойынша шығын 515 619 теңгені құрады.
Жол-көлік оқиғасы жасаған әскери қызметші әкімшілік құқық бұзушылық жасағаны үшін кінәлі деп танылып, айыппұл салынды.
Жауапкердің, яғни әскери бөлімнің өкілі талапкердің дұрыстығын ішінара мойындады. Сонымен қатар, соттан жауапкер ретінде әскери бөлімді емес, көлікті басқарған әскери қызметкерді анықтауды сұрады.
Әскери қызметші С.талап қою талаптарын толық көлемде мойындады және талапкер жүргізген сараптама бойынша залал сомасын өндіріп алуды сұрады.
Сот заңнама нормасына сілтеме жасап, заңды тұлған өзінің жұмыскері еңбек міндеттерін орындау кезінде келтірген зиянды өтеуге міндеттеді.
"Сот талап қою талаптарын толық көлемде қанағаттандырды, талапкер Д.пайдасына әскери бөлімнен мүліктік зиян үшін ақша қаражатын, мемлекеттік бажды және залалды бағалау жөніндегі қызметтерді төлеу бойынша сот шығыстарын өндіріп алды, бұл 789 250 теңгені құрады", – делінген хабарламада.
