Қазақстанның оқушылары математикадан өткен халықаралық олимпиадада 6 медаль иеленді

Оқу-ағарту министрлігі Анталияда математикадан жасөспірімдердің JBMO 2024 халықаралық Балқан олимпиадасы аяқталғанын хабарлайды. Елімізден алты оқушы медаль жеңіп алды, осылайша 100 пайыз нәтиже көрсетті.
 Олар:

• Әлиасқар Сұлтанәлі – Астана қаласындағы "Білім-Инновация" дарынды ұлдарға арналған лицей-интернатының 8 сынып оқушысы; 
• Әли Еркебұланұлы – Алматы қ. ФМН НЗМ 9 сынып оқушысы; 
• Бердібек Орынбасар - Атырау облыстық №1 "Білім-Инновация"лицей-интернатының 9 сынып оқушысы; 
• Арнұр Аңсатов – Қызылорда облыстық дарынды балаларға арналған №9 "Білім-Инновация"лицей-интернатының 9 сынып оқушысы; 
• Лим Эрик – Алматы қ. РФММ 9 сынып оқушысы; 
• Асқар Мұхтарұлы-Қызылорда облыстық дарынды балаларға арналған №9 "Білім-Инновация"лицей-интернатының 9 сынып оқушысы. 

Олимпиада 25-29 маусым аралығында Түркияның Анталья қаласында Балқан түбегінің 22 елінен 135 оқушы арасында өтті. Қазақстан қонақ ретінде қатысты.