Шоумен Нұртас Адамбай бірқатар адамнан кешірім сұрады, деп хабарлайды Ulysmedia.kz.
РИНАТ ЗАИТОВ...
Қазақстандық шоумен Нұртас Адамбай бұрын-соңды дауласып, салғыласқан барлық адамнан кешірім сұрауға шешім қабылдады. Әлеуметтік желіде ол алдымен мәжіліс депутаты Ринат Заитовты атап өтті.
"Өз ақымақтығыммен сізді айыптағаным үшін кешірім сұраймын. Елді жақсартуға деген талпынысыңыз үшін алғысымды білдіремін", - деп жазды шоумен.
Одан кейін ол ІІМ әкімшілік полициясы басшысының орынбасарынан жұмыстан босат зу туралы сәтсіз әзілі үшін кешірім сұрады.
НАЗАРБАЕВ ТА БАР...
Содан кейін Нұртас Адамбай Қазақстан Президенті Қасым-Жомарт Тоқаевтан әлеуметтік желілердегі жария сыны үшін кешірім сұрады.
"Владимир Путиннен өз ақымақтығымнан оны айыптап, ашуланғаным үшін кешірім сұраймын. Сізге отбасылық құндылықтарды сақтау үшін күресіп, өз еліңізде жат нәрселердің насихатына қарсы шыққаныңыз үшін алғысымды білдіремін", - деп жазады Адамбай.
Әлеуметтік желілердегі жария сыны үшін Адамбай Беларусь президенті Александр Лукашенкодан да кешірім сұрады.
Сондай-ақ, елге сіңірген қызметі үшін алғыс білдіріп, Қазақстанның бұрынғы президенті Нұрсұлтан Назарбаевтан да сынағаны үшін кешірім сұрады.
Адамбайдың тізімінде ресейлік музыкант Андрей Макаревич те бар.
"Әлеуметтік желілерде менің сын садағыма іліккен барлық қолданушылардан кешірім сұраймын", - деп жазды Адамбай.
