Ақмола облысының полиция қызметкерлері 2 жыл бұрын жасалған аса ірі көлемдегі ұрлықты ашты, деп хабарлайды Ulysmedia.kz.
Polisia.kz сайтының жазуынша, залал сомасы 65 млн 600 мың теңге. Тергеу барысында 2022 жылдың 31 қаңтар мен 16 наурыз аралығында ұрылар кәсіпорынның (Көкшетау қаласында) қоймасына кіріп, екі мың бөтелкеге жуық сыраны жүк көлігімен әкеткені анықталған. Ұрланған тауар таяу шетелге экспортталған.
Ақмола облысы ПД криминалдық полиция басқармасының қызметкерлері үш күдіктіні ұстады. Сотқа дейінгі тергеу жүріп жатыр.
