Ресей Федерациясының Федералдық қауіпсіздік қызметі (ФСБ) 2024 жылдың бірінші жартыжылдығында ресейліктердің қай елдерге барғаны туралы ақпаратты жариялады, деп хабарлайды Ulysmedia.kz.
ФҚҚ мәліметтері бойынша, осы уақыт аралығында Ресей азаматтары көбіне Түркияға, Абхазияға (халықаралық қауымдастықтың көпшілігі мойындамаған мемлекет), сондай-ақ Қазақстанға барған.
Соған қарамастан, ресейліктердің елімізге сапарлары бір жылда 9%-ға төмендеп, 1,2 миллионға дейін азайды. Осылайша, өткен жылдың сәйкес кезеңінде Ресей азаматтары Қазақстанға 1,3 миллионнан астам рет келген.
Бұл ретте қазақстандықтардың Ресейге сапарлары көбейген. Осылайша, 2024 жылдың алғашқы 6 айында Қазақстаннан Ресей Федерациясына 1,5 миллион адам кеткен. Өткен жылмен салыстырғанда 8,2%-ға артық.
