Француздың әлемге әйгілі актері Ален Делон 88 жасында қайтыс болды,
деп хабарлайды Ulysmedia.kz AFP агенттігіне сілтеме жасап.
Актер 88 жаста еді. Оның отбасы әзірге ешқандай мәлімет таратпады.
Осыдан тура бір ай бұрын француз киножұлдызының қызы Анушка Делон әкесінің ауыр науқасқа шалдыққан суреттерін көрсеткен.
Анушкадан басқа Ален Делонның екі ұлы бар - Энтони және Ален-Фабьен.
Маусым айында Анушка өзінің жеке блогында әкесіне хабарласып, әсерлі пост жазып, әкесінің қолын сүйген мұрағаттық ақ-қара фотосуретімен бөлісті.
Ален Делонның ұлы әкесінің эвтаназия туралы ойлап жүргенін айтты. Ал актердің өзі бұл жайтты қарастырып жатқанын мойындап, адамның жасы келген сайын «бұл дүниеден ауруханасыз және ине салмай-ақ тыныш кетуге құқығы бар» екенін айтты.
ДЕЛОННЫҢ ЖҰЛДЫЗДЫ ЖОЛЫ
1957 жылы Ален Делон ойнаған «Әйел араласқанда» бірінші фильмі шықты. 1960 жылы ол «Жарқын күнде» фильмінен кейін серпіліс жасады. Одан кейін «Рокко және оның ағалары» және «Барыс» болды. Соңғысы Делонға «Алтын глобус» номинациясын әкелді. Делонның көптеген құрметті марапаттары бар - Берлин және Локарно кинофестивальдарының, Италия киноакадемиясының «Давид ди Донателло», немістің «Алтын камерасы».
