Осылайша, ел билігі мамыл шешегінің алдын алу шараларын жүргізгелі отыр, деп хабарлайды Ulysmedia.kz.
Қазақстанда жағдай тұрақты
Үкімет отырысына онлайн режимде қатысқан денсаулық сақтау вице-министрі Ержан Нұрлыбаев маймыл шешегінен 189 адам қайтыс болғанын айтады. Өлім жағдайы Гана, Конго, Камерун, Либерия, Нигерия, Орталық Африкада тіркелген.
– Бүгінгі таңда Қазақстанда эпидемиологиялық жағдай тұрақты. Инфекция жағдайлары тіркелген жоқ. Тәуекелдерді бағалау көрші елдердегі эпидемиологиялық жағдайға мониторингті қоса алғанда, тұрақты түрде жүргізіледі. Африка елдерінен, сондай-ақ осы инфекция тіркелген басқа елдерден келген азаматтарға ерекше назар аударылады. Қолайсыз елдердің тізімі үнемі жаңартылады, – дейді ол.
Ғалымдардың пікірінше, бұл жұқпалы аурудың жұқпалылығы төмен. Қазақстан аумағында маймыл шешегінің пайда болу ықтималдығы аз дейді вице-министр. Осыған қарамастан, министрлік Қазақстан аумағында осы инфекцияның алдын алу бойынша барлық қажетті алдын алу шараларын қабылдап жатыр. Бүгінгі таңда мемлекеттік шекара арқылы санитарлық-бақылау өткізу режимі күшейтілген.
– Инфекцияға күдікті науқастар анықталған жағдайда, түрлі сценарий бойынша медициналық қызметтің әрекет ету алгоритмдері жасалды. Жергілікті жерлерде дәрілік заттардың қажетті қорын қалыптастыру үшін қабылданған шаралар диагностика және емдеу әдісімен медицина қызметкерлерін оқытудың қайталама циклдері жүргізіледі. Бүгінгі таңда бас мемлекеттік санитарлық дәрігердің қаулысы және төтенше жағдайлар кезіндегі ұлттық іс-қимыл жоспары дайындалды. Жағдай Денсаулық сақтау министрлігінің тұрақты бақылауында, – дейді Нұрлыбаев.
Швецияда тіркелген науқас
Дүниежүзілік денсаулық сақтау ұйымы (ДДҰ) Швециядағы науқастың жұқпалы ауруы mpox вирусынан (бұрын "маймыл шешегі" деп аталған) туындағанын растап, пациенттің жаңа вирус штаммы (Clade Ib) Африкадан келгенін атап өтті. Бұл туралы 15 тамыз, бейсенбіде ВВС хабарлады. Науқас қазір дәрігерлердің бақылауында емделіп жатыр. Басқа елдер mpox вирусының анықталғанын әлі хабарлаған жоқ.
Бір күн бұрын ДДҰ Африкада вирустың таралуына байланысты қауіптің ең жоғары деңгейін жариялады. Онысын "халықаралық маңызы бар денсаулық сақтау саласындағы төтенше жағдай" деп атады. Вирусы адамға жануарлардан жұғады, бірақ физикалық байланыс арқылы адамнан адамға да жұғуы мүмкін. Инфекцияның белгілеріне безгек, бұлшықет ауруы, іріңді безеулер мен көпіршіктері бар тері бөртпесі жатады.
Африканың бірнеше елдерінде ауру өршіген
Бұрын mpox таралмаған Бурунди, Кения, Руанда және Угандада аурудың өлімге апарып соғатын 1b вирусының 90 жағдайы анықталған. Конго Республикасында 14 мыңнан астам жұқтырған адам тіркеліп, 524 адам қайтыс болды, деп хабарлады ДДҰ 14 тамызда.
Биыл Африканың 13 елінде mpox инфекциясын 17 мың адам жұқтырды. Бұл 2023 жылдың сәйкес кезеңімен салыстырғанда 2,6 есе көп, деп хабарлайды Reuters.
2022 жылдың жазында ДДҰ маймыл шешегінің өршуін "халықаралық маңызы бар денсаулық сақтау саласындағы төтенше жағдай" деп жариялады. Сол кезде әлемнің 75 елі мен аумағында 2b вирусын жұқтыру жағдайларының саны 16 мыңнан асты, ал инфекциялардың көпшілігі Еуропа мен Америкада, негізінен бір жынысты жыныстық қатынасқа түскен ер адамдар арасында анықталған. Төтенше жағдай режимі 2023 жылдың мамырында тоқтатылған.
