Камчаткада апатқа ұшыраған тікұшақ бортында 19 жолаушы болды, олардың барлығы қайтыс болды, деп хабарлайды ulysmedia.kz.
Камчаткадағы Вачкажец жанартауындағы алаңнан Николаевка ауылына ұшқан "Витязь-Аэро" авиакомпаниясының тікұшағы 31 тамызда таңертең жоғалып кетті. Оның бортында 22 адам болды: үш экипаж мүшесі және 19 жолаушы, деп хабарлады Росавиация.
РБК дереккөздерінің хабарлауынша, олардың арасында Ресей футбол одағының (РФС) қаржы директоры Арсений Замятин мен оның әйелі болған. Кейінірек ұйым мұны растады.
Іздеу жұмысытары тікұшақ жоғалған күні басталды: оған жаяу іздеу топтары мен техникалар тартылды. Билік ауа райы қолайсызды – тұман, жаңбыр және қатты жел тұрғаны туралы хабарлады.
Тікұшақты іздеу түнде де жалғасты, 1 қыркүйек күні таңертең оның сынықтары табылды. Олар тікұшақ экипажы соңғы рет байланысқа шыққан жерден 900 м биіктікте орналасқан, деп хабарлады ТЖМ. Әуе техникасы құлаған Вачкажец жанартауы теңіз деңгейінен 1556 м биіктікте.
