Қазақстан Журналистер одағы журналистерді аккредиттеу туралы жаңа нормаларға қатысты қауіп шындыққа айналғанын мәлімдеді, деп хабарлайды ulysmedia.kz.
БҰЛ БАСЫ МА?
Бүгін журналистер жұмыс барысында кедергілерге тап бола бастағаны мәлім болды. Мәселен, журналист Жания Уранкаеваға 2024 жылдың соңына дейін үкімет ғимаратына кіруге шектеу қойылды. Осыған ұқсас шектеулер Қазақстан парламентінде де байқалған.
«Орын алып отырған жағдай орынсыз және мемлекет пен қоғам арасындағы толыққанды диалогқа нұқсан келтіреді деп санаймыз. Осыған байланысты жағдайды түсіндірулерін және масс-медиа қызметкерлерінің қарсылығына қарамастан қабылданған журналистерді аккредиттеу туралы ереженің күшін жойып, ең алдымен кәсіби журналистік қауымдастықтың мүддесіне жауап беретін нормалар әзірлеуді ұсынамыз. Қазақстан Журналистер одағы өз тарапынан барлық мүдделі тараптар үшін аталмыш мәселе бойынша диалогтік алаң ұйымдастыруға дайын»,- делінген ұйым таратқан хабарламада.
ЖӘНИЯ УРАНҚАЕВА НЕ ДЕЙДІ?
"Менің ойымша, бұл таза цензура. Ғимаратқа кіруді шектейтін нормалар қайда? Жаңа ережелерге сәйкес журналисті аккредиттеуден айыруға болады. Ол үшін 2 немесе одан да көп ішкі тәртіпті бұзу керек. Маған қандай да бір ережелерді бұзғаным туралы жазбаша хабарлама жіберілген жоқ. Көзбе көз Мақсат Төлегенов(авт. Үкіметтің баспасөз қызметінің жетекшісі) ерекше қорғалатын объектілердің ішкі ережелеріне сілтеме жасады. Бірақ бұл ДСП ережелері, сондықтан оларды зерттеуге рұқсат етілмеді. Яғни, мені үкімет ғимаратына «көзге көрінбейтін» ережеге сай кіргізбей отыр. Мен Үкіметтің баспасөз қызметі басшысының әрекеттеріне шағымдануға ниеттімін",- деді ол.
Естеріңізге сала кетейік, Қазақстанда журналистерді аккредиттеудің жаңа ережелері күшіне енді.
Бұған дейін "Ашық НҚА" порталында мәдениет және ақпарат министрлігінен журналистерді аккредиттеудің үлгілік қағидаларын бекіту туралы бұйрықтың жобасы жарияланған болатын.
Құжатқа сәйкес, егер олар ресми іс-шараларда алынған ақпаратты аккредиттелген басылымдарда ғана жарияламаса, журналистер аккредиттеуден айырылуы мүмкін. Мысал ретінде әлеуметтік желілерді келтіруге болады.
Бұл ретте іс-шаралар ұйымдастыратын ұйымдар өздерінің аккредиттеу ережелерін белгілей алады.
19 шілдеде "Әділ сөз" сөз бостандығын қорғаудың халықаралық қоры Қазақстанда журналистерді аккредиттеудің үлгілік қағидалары бойынша мәлімдеме жасап, ешқандай ережелер немесе заңға тәуелді актілер заңға қайшы келмеуге және журналистерге үлкен шектеулер қоюға тиіс екенін атап өтті.
Үлгілік ережелер қабылданғанға дейін бір күн бұрын медиа сарапшылар жарияланған ережелер жобасы журналистердің жұмысын, айтарлықтай шектейтінін айтты.
