Қыз баланы жезөкшелікке тартқандар да, зорлық-зомбылықты тікелей ұйымдастырғандар да қамауға алынған, деп хабарлайды Ulysmedia.kz.
13 КҮДІКТІ
Ішкі істер министрінің орынбасары Игорь Лепеха Қызылордада сыныптастары қорлап, сексуалды құлдыққа түсірген мектеп оқушысының ісі жөнінде сұраққа жауап берді.
– Ол істе 13 фигурант анықталды, олардың 11-і қамауға алынды. Екеуі үйқамақта. Бүгінгі таңда бірқатар бап бойынша қылмыстық іс қозғалды. Мен бұдан артық түсініктеме бере алмаймын, өйткені қылмыстық іс аясында бұл тергеушінің құзыреті, – деді Лепеха сенатта.
Оның айтуынша, қызды жезөкшелікке қатыстырған және зорлық-зомбылықты тікелей ұйымдастырған адамдар да қамауға алынған.
БӘРІН ТЕКСЕРЕМІЗ
Министрдің орынбасары ұсталғандардың қаншасы кәмелетке толмағандар екенін айтпады.
– Тергеу бұл мәселемен айналысады. Біз бәрін тексереміз, – деп қорытындылады Лепеха.
Тамыз айының Қызылордада басында мектеп оқушысының анасы сыныптастары қызын есірткі қолдануға мәжбүрлеп, күштеп ұстағанын, ақша бопсалап, жезөкшелікпен айналысуға мәжбүр еткенін мәлімдеген. Оқу-ағарту министрлігі психологиялық қолдау орталығының мамандары қыз балаға көмек көрсететінін хабарлады.
