Бүгін Зеренді аудандық сотында Ақмола облысының тұрғыны Әсет Аюповтың өтініші бойынша шешім шығарылды. Ол бұрынғы әйелі Алтынай Аюпованы (Нұрсолтанова) ұрғаны үшін кінәлі деп танылған, деп хабарлайды Ulysmedia.kz.
ТОЛЫҒЫРАҚ
Қазақстандықтар Аюповтардың тарихын бір жарым жылдан астам уақыт бойы бақылап келеді. Бастапқыда ер адам әйеліне денсаулығына ауыр зиян келтіргені үшін 6 жыл 8 айға бас бостандығынан айырылған. Осыдан кейін сотталған адам бірнеше рет жазасын жеңілдету жөнінде өтініш білдірген.
Мәселен, бүгін сотта Аюповтың өтініші қаралды, ол бұл жолы бас бостандығынан айыруды шектеумен ауыстыруды сұраған.
Бүгінгі сот тыныш өткен жоқ. Судья жәбірленуші Алтынай Аюпова мен оның қорғаушысы – белгілі адвокат Жанна Оразбақоваға бірнеше рет дауыс көтерді.
ШЕШІМ
Сотталған Аюпов өзінің дәлелі ретінде колониядағы оң мінез-құлқы жайлы айтты, бірақ сот қорғаушы тараптың дәлелдерін жазаны ауыстыру үшін жеткіліксіз деп тапты.
– Жақында ғана сот үкім шығарды, ал біраз уақыттан кейін сотталған адам қайтадан өтініш береді. Мұның бәрі бір істің аясында, сондықтан сот жеткілікті негіз таппады әрі осы өтінішті қанағаттандырмайды, — деді судья.
АЮПОВТАР ІСІ
Еске сала кетейік, былтыр Алтынай мен Әсет Аюповтар ісі көп талқынаған еді. Желі қолданушылары бұрынғы күйеуі Әсет тарапынан қатігез тұрмыстық зорлық-зомбылықтың құрбаны болған жәбірленуші Алтынайдың суретін таратқан. Ер адам бұрынғы жұбайын балаларының алдында ұрып-соғып, Алтынайдың бет-жүзі ісіп, көру қабілетін жоғалтқан.
Зардап шеккендерге тригеминальды және бет нервтерінің нейропатиясы, конвергенция, диплопия диагнозы қойылды.
2023 жылы Аюпов ҚР ҚК-нің 106-бабы (денсаулыққа қасақана ауыр зиян келтіру) бойынша кінәлі деп танылып, орташа қауіпсіздік қылмыстық-атқару жүйесі мекемесінде 6 жыл 8 айға сотталды.
