ТЖМ құтқарушылары Қостанай облысында дала өртін сөндірді, деп хабарлады Ulysmedia.kz.
ТЖМ ХАБАРЛАМАСЫ
Министрліктің хабарлауынша, Алтынсарин ауданында Лихачевка ауылынан 10 шақырым қашықтықта ашық аумақта құрғақ шөп өртенген. Жел екпіні 25 м/с дейін күшейгендіктен, Лермонтов орманшылығының орман учаскелеріне өрттің таралу қаупі туындаған.
ҚАНША КҮШ ТАРТЫЛДЫ
Өрт сөндіру жұмыстарын ТЖМ және орман шаруашылығының қызметкерлері жүргізді. Сондай-ақ, ҚР ҰҚК авиациялық қызметінің СТҚ бар тікұшақ тартылды. Авиация жалпы көлемі 8 тоннадан астам 4 су төгуді жүргізді. Құтқарушылардың үйлесімді іс-қимылдарының арқасында 10 мың гектар алаңда өрттің таралуына жол берілмеген. Қайтыс болғандар мен зардап шеккендер жоқ.
