27 мың теңге – қазақстандықтар коммуналдық шығын үшін қанша төлеп жүр

ШАМАМЕН 27 МЫҢ ТЕҢГЕ

Numbeo сарапшыларының мәліметі бойынша, 2024 жылы Қазақстанда орташа айлық коммуналдық қызметтердің құны (электрмен жабдықтау, жылу, кондиционер, сумен жабдықтау және қоқыс шығару 85 шаршы метрлік пәтер үшін) 57,1 долларды (шамамен 27 мың теңге) құраған.

•  Ресейде – 90,5 доллар;
• Арменияда – 130,4 доллар;
• Молдовада – 218,5 доллар;
• Литвада – 218 доллар;
• Эстонияда – 303,5 доллар;
• Латвияда – 313,8 доллар;
• Ұлыбританияда – 328,4 доллар;
• Германияда – 336,9 доллар;
• Австрияда – 390,5 доллар.

ЖАЛАҚЫҒА ШАҚҚАНДАҒЫ ҚҰНЫ

Аналитиктер коммуналдық қызметтерге жұмсалатын шығындардың жалақыға қатысты үлесін де есептеген. Numbeo мәліметтеріне сәйкес, Қазақстанда салықтарды шегергеннен кейін орташа жалақы 586,2 долларды (шамамен 283 мың теңге) құраған. Қазақстанда коммуналдық қызметтердің құны «таза» жалақының 9,7%-ын ғана құрайды. Бұл көрсеткіш ТМД елдерінің арасында ең төмен, сондай-ақ көрші Өзбекстанмен бірдей. Беларусь те алдыңғы қатарға еніп, орташа жалақыдан 10,6% құраған. 

Әзербайжанда бұл көрсеткіш 12,9%, Ресейде – 16,5%, Арменияда – 21,7%, ал Молдовада – 36% құраған.