Қару эмбаргосы: Қазақстан Түркияның бастамасын қолдады

МӘН-ЖАЙЫ

Anadolu Ajansı агенттігінің хабарлауынша, бұған дейін Түркия Сыртқы істер министрі Хакан Фиданның ұсынысы бойынша БҰҰ-да Израильге қару-жарақ пен оқ-дәрілерді сатуды тоқтату мәселесіне халықаралық қауымдастықтың назарын аудару мақсатында бірлескен үндеу жасау бастамасы көтерілген болатын.

Бастама Израильге қару-жарақ пен оқ-дәрі сатуды тоқтату арқылы басып алынған Палестина аумақтарында, әсіресе Газа секторында Израильдің халықаралық құқықты, соның ішінде халықаралық гуманитарлық құқық пен адам құқықтарын бұзуының алдын алуды көздейді.

ХАТТА НЕ ДЕЛІНГЕН

Хатта Газа секторын қоса алғанда, басып алынған Палестина жерлерінде, сондай-ақ Ливанда және Таяу Шығыстың басқа аймақтарында зорлық-зомбылық пен халықаралық құқық бұзушылықтың күшеюіне аса алаңдаушылық білдірілген.

Үндеуде Израиль әрекеттерінің салдарынан құрбан болған бейбіт тұрғындар, негізінен әйелдер мен балалар саны күн сайын артып отырғаны атап өтілді. Бұл қауіпті тенденцияны тоқтату үшін шұғыл шаралар қабылдау қажеттілігі көрсетілген.

Хат 1 қарашада БҰҰ-ның Бас хатшысы Антониу Гутерришке, қарашада БҰҰ Қауіпсіздік Кеңесіне төрағалық ететін Ұлыбританияға және БҰҰ Бас Ассамблеясының төрағасы Филимон Янгқа жіберілді.

ҚАЗАҚСТАН ДА БАР

Түркия Тель-Авивтің аймақтағы, Израильге оқ-дәрілерді жеткізуді дереу тоқтатуды халықаралық қауымдастықтың заңды міндеті және моральдық борышы деп санайды.
Хатқа Түркия, Палестина, Бахрейн, Бангладеш, Біріккен Араб Әмірліктері, Боливия, Бразилия, Бруней-Даруссалам, Буркина-Фасо, Алжир, Джибути, Қытай Халық Республикасы, Индонезия, Марокко, Гамбия, Оңтүстік Африка Республикасы, Ирак, Иран, Катар, Қырғызстан, Колумбия, Комор аралдары одағы, Кувейт, Куба, Ливия, Ливан, Мальдив аралдары, Малайзия, Мексика, Мысыр, Мавритания, Намибия, Нигерия, Никарагуа, Норвегия, Пәкістан, Ресей, Сент-Винсент және Гренадин аралдары, Сан-Томе және Принсипи, Сенегал, Сомали, Судан, Сауд Арабиясы, Чили, Тунис, Оман, Иордания, Венесуэла, Вьетнам, Йемен Зимбабве қатарлы елдер қол қойған. Олардың ішінде Қазақстан да бар,

Сондай-ақ құжатқа Араб мемлекеттері лигасы (АМЛ) мен Ислам ынтымақтастығы ұйымы (ИЫҰ) қол қойған.