Сыртқы істер министрлігі брлескен Қазақстан-Ресей демаркациялық комиссиясының жүз қырық үшінші отырысы өткенін жариялады, деп хабарлайды Ulysmedia.kz.
НЕ ТАЛҚЫЛАНДЫ
“Тараптар мемлекеттік шекара сызығының әртүрлі учаскелерінде оны белгілеуге қатысты бірқатар мәселелерді талқылады, демаркациялаудың қорытынды құжаттарының тиісті жобаларын, сондай-ақ 2025 жылға арналған Бірлескен Қазақстан-Ресей демаркациялық комиссиясы жұмысының және камералдық жұмыстардың жоспар-кестелерін бекітті.
Комиссияның келесі отырысы 2024 жылғы желтоқсан айында Ресей Федерациясының аумағында өтеді” делінген хабарламада.
ШЕКАРА ҰЗЫНДЫҒЫ
Қазақстан-Ресей шекарасы – әлемдегі ең ұзын құрлық шекарасы, оның аумағы 7 598,8 км. Оның ішінде 5936,1 км жер шекарасы, 1516,7 км өзен шекарасы, 60 км көл шекарасы. Теңіз шекарасының ұзындығы – 85,8 км. Салыстыру үшін Канада-АҚШ шекарасы ұзындығы 8 891 км, бірақ онда Аляска мен АҚШ континенттік штаттары арасында алшақтық бар.
