Каспий теңізінің жағасынан өлі қарақаздар табылды, деп хабарлайды Ulysmedia.kz.
МӘН-ЖАЙЫ
Құстар балық аулайтын ауға ілініп қалған.
Маңғыстау облысы бойынша балық инспекциясы басқармасы бұл браконьерлердің ісі деп отыр.
Қазір құстардың көші-қоны жүріп жатыр, ал қарақаздар балықпен қоректенеді, олар суға түседі. Және олар осы заңсыз орнатылған балық аулау құралдарына абайсызда түсіп қалады. Құстар сүңгіп, торға түсіп, өледі. Біз екі қарақазды құтқарып қалдық, бірақ үшеуі өлді. Бұл заңсыз балық аулап жүрген жергілікті балықшылардың бірі, ауларын өз ауылының маңында қалдырып кеткен, – деді Маңғыстау облысы бойынша балық шаруашылығы инспекциясының маманы Андрей Руцкий.
ИТБАЛЫҚТАРДЫҢ ҚЫРЫЛУЫ
Қарақаз Түпқараған ауданында кеме каналынан 500 метр жерде табылған. Руцкийдің айтуынша, Каспий теңізіндегі браконьерлердің әрекетінен құстар ғана емес, итбалықтар да қырылып жатыр.
Қазір итбалықтардың жаппай шығарылуы жүріп жатыр. Әрине, мұны браконьерлердің ісі деп айта алмаймыз. Бірақ ішінара растайтын фактілер бар. Мысалы, менде Экология және гидробиология институтының көктемгі қорытындысы бар, ол жерде 187 өлексенің төрт пайызға жуығы өлген жануарлардың механикалық зақымдануы, яғни аулардан, аулау құралдарынан, біреудің басы кесілген, біреудің іші жарылған – дейді балық инспекциясының маманы.
Естеріңізге сала кетейік, Маңғыстау облысында, Каспий теңізінің жағалауында итбалықтардың өлекселері табылған болатын. Қазір өлген итбалықтар саны 700-ге жетті.
