Балқаш көлінде жоғалған балықшылар аман-есен табылды, деп хабарлайды Ulysmedia.kz.
“Балқаш көлі Орлинка түбегі ауданында Қарағанды және Алматы облысының құтқарушылары 1980 және 1999 жылы туған екі балықшыны іздестіру жұмыстарын жүргізді. Ер адамдар 21 қарашада түнде қайықпен балық аулау кезінде бағдарын жоғалтып, адасып кеткен.
Бүгін Қарағанды облысының құтқарушылары жоғалған балықшыларды тауып, сонымен қатар екі жануарды да құтқарды. Оларға медициналық көмек керек болмады”, – деп жазды ведомствоның баспасөз қызметінен.
Айта кетейік, бұған дейін маңғыстаулық балықшылар нәпақамыздан айырыламыз ба деп алаңдап жүргенін жазған едік.
