Жапонияның Shikoku Bank басшылығы мен қызметкерлері ерекше құжатқа қол қойды. Онда олар қаржы заңының бұзылуына қатысы бар жағдайда өз-өзіне қол жұмсауға уәде берді, деп хабарлайды Ulysmedia.kz.
Ант қанды мөрмен, соның ішінде банк президентінің қолымен бекітілген.
Shikoku Bank ресми сайтында жарияланған ақпаратқа сәйкес, құжатқа банк президенті Миура мен оның қарамағындағы 23 адам қол қойған. Мәтінде былай делінген:
– Егер мәміледе заң бұзылғаны анықталса, кінәлі өз қаражатынан келтірілген залалды өтеуге және сеппуку жасауға міндеттеледі!
Ант ақша алаяқтық, ұрлық, қаражатты мақсатсыз пайдалану және банк жүйесіне деген сенімге нұқсан келтіретін басқа әрекеттер сияқты жағдаяттарды қамтиды.
Банк мәлімдемесінде құжат қаржы мекемесі қызметкерлерінің жоғары этикасы мен жауапкершілік сезімін баса көрсетуі тиіс. Shikoku Bank өкілдерінің айтуынша, бұл жай ғана ішкі әрекет емес, дәстүрлі жапондық құндылықтар мен ар-намыс принциптеріне берілудің нақты көрінісі.
