Астанадағы "Манхэттен" тұрғын үй кешенінде өрт шықты, деп хабарлайды Ulysmedia.kz.
ОҚИҒАНЫҢ МӘН-ЖАЙЫ
Анет баба көшесінде орналасқан тұрғын үй кешеніндегі пәтерлердің бірі өртенген. Әлеуметтік желіде тараған видеодан тұрғын үйдің терезелерінен жалын пен түтін шығып жатқанын көруге болады.
ТЖМ мәліметінше, оқиға орнынан 16 адам құтқарылып, эвакуацияланды. Өрт 15 шаршы метр алаңды шарпыған.
ТЖМ МӘЛІМДЕМЕСІ
Белгілі болғандай, 7 қабаттағы пәтерде жиһаз бен үй заттары өртенген.
ТЖМ құтқарушылары түтінді аймақтан баспалдақ маршымен 6 адамды құтқарып, 10 адамды эвакуациялады. Зардап шеккендер жоқ, - деп мәлімдеді ТЖМ баспасөз қызметі.
Еске салсақ, бұған дейін Ақмола облысында өртенген үйде екі бала қаза тапқан болатын.
