АҚШ ғалымдары жұмыртқаны диетаға үнемі қосып отырудың тағы бір дәлелін тапты, деп хабарлайды Ulysmedia.kz порталы doctorpiter басылымына сілтеме жасап.
Кейінгі жылдары жұмыртқаның пайдасы жайлы мамандар көп мәрте пікір таластырған. Өнімнің пайдасы ғана емес, мөлшері де дау туғызған – аптасына қанша жұмыртқа жеуге болады, ал қаншасын жеу зиянды? Америкалық ғалымдар жұмыртқа деменцияның ең көп таралған түрлерінің бірі – альцгеймер ауруының дамуына әсерін анықтауға кірісті. Байланыс өте айқын болып шыққан.
Денсаулық сақтау мекемелерінде тұрмаған мыңнан астам егде жастағы америкалық жаңа зерттеуге қатысқан. Олардың орташа жасы 81,4 жасты құрады. Көбі әйел (74,8%). Қатысушылардың 82%-дан көбінде apoe – ε4 аллелі болды. Бұл альцгеймер ауруының қауіп факторы ретінде белгілі. Нәтижесінде 10 жылға жуық уақыт ішінде еріктілердің 27,3%-ы (280 адам) нейродегенеративті ауру клиникалық диагнозы қойылды. Жұмыртқаны жеу деменцияның пайда болу қаупіне қалай әсер ететінін анықтау үшін ғалымдар Гарвард мектебінің тамақтану жиілігі жайлы өзгертілген сауалнамасын қолданған. Олар өз жұмыстарының нәтижелерін The Journal of Nutrition журналында жариялады.
Зерттеушілер қандай қорытындыға келді? Олар аптасына бір немесе одан да көп жұмыртқа жеу Альцгеймер ауруының даму қаупінің 47% төмендететінін анықтаған. Сонымен қатар, жұмыртқаны тұтынудың деменцияның дамуына жалпы әсерінің 39% сарысында болатын холинге байланысты.
– Бұл нәтижелер жұмыртқаны жиі тұтыну Альцгеймер ауруының даму қаупінің төмендеуімен байланысты екенін көрсетеді және деменциямен байланыс ішінара тағамдық холинмен делдал болады, – деп түсіндіреді еңбек авторлары.
Қазір көп сарапшы бірде-бір жағдайда жұмыртқаны мәзірден алып тастауға болмайтынына келіседі. Бұл құнды өнімде көптеген қоректік зат, соның ішінде мидың денсаулығы үшін маңызды: холин, омега-3 май қышқылдары, лютеин де бар.
