Жамбыл облысында Төтенше жағдайлар министрлігінің құтқарушылары жеңіл көліктер тиелген автотасымалдаушыны күлге айналудан аман алып қалды, деп хабарлайды Ulysmedia.kz.
Осылайша Жамбыл облысындағы автобанда ТЖМ өрт сөндірушілері бірнеше автокөлік тиелген автотасығышты өрттен құтқарып қалды.
“Жамбыл ауданында республикалық маңызы бар «Алматы-Ташкент» автожолының 531 шақырымында 8 жеңіл автокөлік тиелген автотасығыштың артқы дөңгелектері жанды. ТЖМ күштері өртті жедел түрде сөндірді. Зардап шеккендер жоқ. Өртің шығу себебі анықталып жатыр”, деді ведомство баспасөз қызметі.
Көлік тасығыштың жүргізушісі құтқарушылар келгенге дейін үш жеңіл көлікті түсіріп үлгерген.
