Time журналы «Жыл адамы» ретінде АҚШ-тың жаңадан сайланған президенті Дональд Трампты таңдады, деп хабарлайды Ulysmedia.kz.
МӘН-ЖАЙЫ
Кандидаттар арасында Трамптан бөлек Илон Маск, Кейт Миддлтон және Юлия Навальная да болған.
97 жыл бойы Time редакторлары «Жыл адамын» таңдап келеді. Жыл адамы 12 ай бойы әлемге және тақырыптарға жақсы немесе жаман жағынан әсер еткен адам. Көптеген жылдар бойы бұл таңдауды жасау қиын болатын. 2024 жылы қиын болған жоқ", – дейді журналдың бас редакторы Сэм Джейкобс.
БҰҒАН ДЕЙІН
Time журналы Трамптың АҚШ-тағы президенттік сайлаудағы жеңісін көптеген жағынан тарихи деп атауға болатынын атап өтті.
Ол ел тарихындағы ең қарт президент және қылмыстық іс бойынша кінәлі деп танылған АҚШ-тың жалғыз басшысы болмақ.
Айта кетейік, Трамп АҚШ-тағы президенттік сайлауда алғаш рет жеңіске жеткен 2016 жылы да Time журналының “Жыл адамы” атанған еді.
Еске салсақ, бұған дейін Wall Street Journal газеті 7 желтоқсанда Парижде өткен АҚШ-тың сайланған президенті Дональд Трамптың Украина президенті Владимир Зеленский және Франция президенті Эммануэль Макронмен әңгімесіне қатысты анонимді дереккөздерге сүйенген мақала жариялады.
