Таразда Қаңтар оқиғасында қаза болғандардың жақындары ас берді

Қазақстанның бес қаласынан 30-дан аса адам жиналып, алдымен Тараздағы орталық мешітке барып, қаза тапқандарға Құран бағыштады. Марқұмдардың жақындары Қаңтар оқиғасында қаза тапқандар ұмытылмауы керегін айтты. 

- Сол түні балаларымыз үйден шыққан күйі оралмады. Бұл көптеген отбасының қабырғасын қайыстырды, дейді жиналғандар. 

Сонымен қатар, марқұмдардың жақындары: 

• “Біздің көзіміз тірі болғанда, көзі ашық ұрпақ барда Қаңтар оқиғасының құрбандары ұмытылмайды”
• “Қаңтар оқиғасының құрбандарына арнайы статус беру керек”
• “Құрбандардың отбасы елеусіз және қолдаусыз қалмауы керек” деді. 

Құрбандардың жақындарының бұл сөзін шараға қатысқан азаматтық белсенділер де қолдады. 

ҚАҢТАР ОҚИҒАСЫНДА 227 АДАМ ҚАЗА ТАПТЫ

Қазақстан билігі Қаңтар оқиғасы кезінде 227 адамның қаза тапқанын мәлімдеген болатын. Оның ішінде әскер мен полиция қызметкерлері де, билік «террорист» деген адамдар да, қарапайым азаматтар да бар.