Ақтөбеде полицейлер есірткі жасырушыны туған күнінде ұстады, деп хабарлайды Ulysmedia.kz ІІМ баспасөз қызметіне сілтеме жасап.
Қала шетінде жүргізілген жедел іс-шаралар барысында полиция қызметкерлері күдікті жігітті ұстады.
Жеке тінту кезінде одан ұнтақ зат салынған 24 орам тәркіленді.
Сараптама тәркіленген заттың «мефедрон» екенін көрсетті. Онымен қоса, күдікті есірткі жасырылған бірнеше жер туралы айтты.
Бұл дерек бойынша сотқа дейінгі тергеу басталды. Ұсталған күні 21 жасқа толған жігіт уақытша ұстау изоляторына қамалды.
