Синоптиктер алдағы демалыс күндері ауа райы қандай болатынын айтты, деп хабарлайды Ulysmedia.kz.
ҚАР МЕН БҰРҚАСЫН
Еліміздің солтүстік-шығысы мен шығысындағы ауа райына циклон және онымен байланысты фронтальды бөлімдері әсер етеді. Қар мен бұрқасын сақталады.
Республика аумағының қалған бөлігінің ауа райына жоғары қысым алқабы әсер етеді. Сондықтан ауа райы жауын-шашынсыз болады.
13 қаңтарда Солтүстік циклонның кезекті жырасы батыс аймақтарға жылжиды, сол себептен жауын-шашын ылғалды қар мен жаңбыр түрінде, сондай-ақ көктайғақ болады деп болжанып отыр. Қазақстан бойынша жел күшейіп, тұман түседі.
АЯЗ БОЛАДЫ
Қазақстанның солтүстігінде түнгі сағаттарда ауа температурасы 8-18 аязға дейін, шығысында термометр бағандары 10-27 градус аязға жетеді, ал ҚР қалған аумағында температуралық фонда күрт өзгерістер күтілмейді.
