Биыл көпбалалы аналар ай сайын қанша теңгеден алады

БАЛА САНЫ МАҢЫЗДЫ

Еңбек және халықты әлеуметтік қорғау министрлігінің мәліметінше, төлем мөлшері бала санына қарай есептеліп төленеді және 2025 жылы:

• 4 баласы бар отбасыларға – 16,03 АЕК немесе 63 030 теңге;
• 5 балаға – 20,04 АЕК немесе 78 798 теңге;
• 6 балаға – 24,05 АЕК немесе 94 565 теңге;
• 7 балаға – 28,06 АЕК немесе 110 332 теңге;
• 8 және одан да көп баласы бар отбасыларға – әр балаға 4 АЕК немесе 15 728 теңге мөлшерінде төленеді.

АЛТЫН АЛҚЫ, КҮМІС АЛҚА, БАТЫР АНАЛАР

Наградталған анаға берілетін жәрдемақы «Алтын алқа», «Күміс алқа» алқаларымен наградталған немесе бұрын «Батыр ана» атағын алған, І және ІІ дәрежелі «Ана даңқы» ордендерімен наградталған аналарға тағайындалады.

Наградталған анаға берілетін жәрдемақы ай сайын келесі мөлшерде төленеді:

• «Күміс алқа» алқасымен наградталған аналарға – 6,40 АЕК немесе 25 165 теңге;
• «Алтын алқа» алқасымен наградталған немесе бұрын «Батыр Ана» атағын алған, І және ІІ дәрежелі «Ана даңқы» ордендерімен наградталған аналарға – 7,40 АЕК немесе 29 097 теңге.

2025 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 6,5%-ға артқан.