Абай облысында жолаушылар отырған автобус аударылып кете жаздады, деп хабарлайды Ulysmedia.kz.
МӘН-ЖАЙ
Бүгін Аягөз ауданы, Қарағаш ауылдық округінің аумағында орналасқан “Қарағанды-Аягөз-Боғаз” республикалық маңызы бар автожолының 736-шақырымында оқыс оқиға болды. Ақжар-Алматы бағытында жүріп бара жатқан жолаушылар автобусы жол жиегіне шығып кеткен.
ЭВАКУАЦИЯ
Оқиға орнына жедел түрде Аягөз ауданының ТЖМ және ҚМ 15701 әскери бөлімінің қызметкерлері жетті. Бірлескен күш-жігермен 10 жолаушыны эвакуациялау сәтті жүзеге асырылды. Барлық жолаушы Аягөз қаласына жеткізіліп, жылыту бекетіне орналастырылды.
Құтқарушылар азаматтарды ұзақ жолға шығар алдында ауа райы мен жол жағдайын мұқият тексеруге шақырады.
