Ұлттық қауіпсіздік комитеті төрт азамат экстремизм қылмысы бойынша ұсталғаны жөнінде ақпарат таратты, деп хабарлайды Ulysmedia.kz.
Төрт адам Астана мен Қосшыда ұсталған. Айыпталушылар терроризмді насихаттауға, экстремистік әрекеттерді ұйымдастыруға және қатысуға, сондай-ақ жаңа қолдаушыларды тарту күдігімен құзырлы органдардың назарына ілінген.
Тінту барысында олардың тұрғылықты жерінде діни материалдар мен басқа да заттай дәлелдемелер тәркіленген.
Тергеу жүргізіліп жатыр.
Еске сала кетейік, бұған дейін 2024 жылы Қазақстанда экстремизмге байланысты 85 қылмыс, оның ішінде діни және ұлттық алауыздықты өршіту, терроризмді насихаттау және экстремистік ұйымдарға қатысу істері анықталған болатын.
