Синоптиктер 2025 жылдың 27 қаңтарына Қазақстандағы синоптикалық жағдай мен қауіпті ауа райы құбылыстары туралы болжамын жариялады, деп хабарлайды Ulysmedia.kz.
Дүйсенбіде Скандинавия аймақтарынан келетін антициклон Қазақстан аумағы арқылы қозғалуын жалғастырып, негізінен құрғақ ауа райын тудырады.
"Қазақстанның батысында, солтүстік-батысында және оңтүстігінде тұман түседі. Республиканың орталығында, оңтүстігінде, оңтүстік-шығысында және шығысында жел күшейеді", - деп хабарлады «Қазгидромет» РМК.
Астанада құбылмалы бұлтты, жауын-шашынсыз. Оңтүстіктен соғатын жел 3-8 м/с. Ауа температурасы түнде -16-18°C, күндіз -11-13°C.
Алматыда құбылмалы бұлтты, жауын-шашынсыз. Кейде тұман түсіп, жолдар көктайғақ болады. Солтүстік-шығыстан 0-5 м/с жел соғады. Ауа температурасы түнде -7-9°C, күндіз +1+3°C.
Шымкентте құбылмалы бұлтты болады, жауын-шашынсыз. Оңтүстік-батыстан 5-10 м/с жел соғады. Ауа температурасы түнде -2-4°C, күндіз +6+8°C.
