Сот Темірлан Еңсебекті қорғау мақсатында жалғыз адамдық пикетке шыққан белсенді Гүлбақыт Өтебайға 275 240 (70 АЕК) теңге айыппұл салды, деп хабарлайды Ulysmedia.kz.
Бұл туралы Oyan, Qazaqstan қозғалысының өкілдері әлеуметтік желіде хабарлады.
10 БЕЛСЕНДІ
Барлығы Темірланды қолдауға Қазақстанның бірнеше қалаларында акция мен пикеттерге шыққан адам саны 10-ға жетті:
- Руслан Бикетов, Алматы
- Әсем Жапишева, Алматы
- Сергей Зинченко, Қостанай
- Ақмарал Жәкібай, Алматы
- Мұсағали Дауылов, Ақтөбе
- Марат Мұсабаев, Астана
- Ақторғын Ақкенжебаласы, Алматы
- Эльвира Бекзадина, Астана
- Елдос Досантегі, Семей
- Гүлбақыт Өтебай, Алматы
БҰҒАН ДЕЙІН
18 қаңтар күні QazNews24 сатиралық парақшасының авторы Темірлан Еңсебек екі айға қамауға алынған болатын. Ол «Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру» жөніндегі Қазақстан Республикасы Қылмыстық кодексінің 174-бабын бұзды деп айыпталып отыр.
