Түркістан облысында төрт жыл бұрын жоғалып кеткен 16 жастағы қыз Алматыдан табылды, деп хабарлайды Ulysmedia.kz.
МӘН-ЖАЙ
2021 жылдың жазында жергілікті тұрғын 16 жасар қызының жоғалып кеткені туралы хабар берген. Қаңтар айында Төлеби ауданының полициясы қыз Алматыдан табылғанын айтты. Ол қаланың қоғамдық тамақтану орындарының бірінде жұмыс істеп жүрген.
Қыз бала бірнеше жылдан кейін анасымен алғаш рет қауышты.
- Қызыма не болды екен деп есім шығып жүрген күндер артта қалды. Уақыт өте келе қызымның аман екеніне сенімім азая бастап еді. Үмітім ақталды, дейді табылған қыздың анасы.
ТЕРГЕУ
Қазіргі уақытта қыз баланың не үшін кетіп қалғаны анықталып жатыр. Полицейлер тергеу жүргізіп, істің мән-жайын анықтаумен айналысып жатыр.
