Полиция формасымен тікелей эфирге шыққан шымкенттік тиктокер жауапқа тартылды, деп хабарлайды Ulysmedia.kz.
МӘН-ЖАЙ
Полиция қызметкерлері ТикТок желісінде полицей қыздың тікелей эфирінің видеосын анықтады. Полиция формасын киген қыз ішкі істер органдарының беделіне нұқсан келтіретін және оны төмендететін, офицер атағына лайықсыз әрекеттер көрсеткен.
ПОЛИЦИЯ ҚЫЗМЕТКЕРІ ЕМЕС
Тәртіп сақшылары әлеуметтік желі қолданушысын анықтады. Ол полицияға ешқандай қатысы жоқ 24 жастағы қыз болып шыққан.
Полицияның киімін заңсыз кигені үшін құқық бұзушыға қатысты әкімшілік хаттама толтырылды. Полиция формасы тәркіленіп алынды.
ЕСКЕРТУ
Полиция айырым белгілері және (немесе) нышаны бар әскери киімді, сондай-ақ нысанды және арнаулы киімді заңсыз киіп жүру (пайдалану) құқық бұзушылыққа жататынын ескертті. Бұл үшін киім тәркіленіп, әкімшілік айыппұл салынады.
