Антикор олардың қылмысы әшкереленгені жөнінде ақпарат таратты, деп хабарлайды Ulysmedia.kz.
ТЕРГЕУ АЯҚТАЛДЫ
Агенттіктің хабарлауынша, Мұғалжар ауданының құрылыс бөлімінің басшысы мен аудандық мәслихат депутаттарына қатысты сотқа дейінгі тергеу аяқталған.
ТЕРГЕУДЕ НЕ АНЫҚТАЛДЫ
Сыбайлас жемқорлыққа қарсы қызметтің Ақтөбе облысы бойынша департаменті Мұғалжар ауданының құрылыс бөлімінің басшысы мен аудандық мәслихат депутаттарын тергеген. Ресми нұсқадан олар халықтың әлеуметтік осал топтарына арналған көппәтерлі тұрғын үй түріндегі 70 пәтерлі жатақхананы сатып алу арқылы 672 млн теңге сомасында бюджет қаражатын жымқырды деп күдікке ілінгені жазылған.
КҮДІКТІЛЕР ҚАМАЛДЫ
Тергеу соты күдіктілерге қатысты қамауда ұстау және үй қамағына алу түріндегі бұлтартпау шараларына санкция берді. Күдіктілердің 640 млн теңгеден астам сомаға ақшалай қаражаты мен түрлі мүлкіне тыйым салынған.
Бұдан басқа, тергеу шеңберінде 359 млн теңге сомасында материалдық залал өз еркімен ішінара өтелген.
