TikTok қазақ билігінің өтінішінен кейін орыс халқына қатысты былапыт сөздер қолданылған “Йоу, орыстар” (“Йоу, русские”) әнін өшірді. Бұл туралы ТАСС агенттігіне Қазақстанның мәдениет және ақпарат вице-министрі Евгений Кочетов хабарлады, деп хабарлайды Ulysmedia.kz.
МӘН-ЖАЙ
Министрлік әнді өшіру туралы өтініштерді бірқатар интернет-ресурстар мен онлайн-платформалардың әкімшілігіне жолдаған.
- 2025 жылғы 27 қаңтардағы жағдай бойынша “TikTok” онлайн-платформасы заңға қайшы контентті өшіру шараларын қабылдады, – делінген Кочетовтың агенттік сұрағына берілген жауабында.
Оның айтуынша, бұл ән және оның үзінділері 22 шетелдік интернет-ресурста, соның ішінде “TikTok” (12), “YouTube” (8) және “ВКонтакте” (2) платформаларында анықталған.
- Барлық анықталған материал бойынша интернет-ресурстар мен онлайн-платформалар әкімшіліктеріне заң бұзушылықтарды жою шараларын қабылдау туралы хабарламалар жіберілді, – деп атап өтті вице-министр.
АВТОР ІЗДЕУДЕ
29 қаңтарда бас прокуратура «Йоу, орыстар» әнінің авторы әлі табылмағанын мәлімдеген болатын.
Тректің әлеуметтік желіде жариялануына байланысты Темірлан Еңсебекке қатысты ҚР Қылмыстық кодексінің 174-бабы бойынша қылмыстық іс қозғалды.
БҰҒАН ДЕЙІН
Еске салайық, бұған дейін полиция «Йоу, орыстар» әнінің авторын іздеп жатқаны хабарланған болатын. Құқық қорғау органы бұл ән ұлтаралық алауыздықты қоздырады деп есептейді.
Қазір тергеу органдары Е. Instagram-арнасында жариялаған әннің авторын іздеп жатыр, – делінген жауапта.
Алматы полиция департаменті QazNews24 паблигінің авторы Темірлан Еңсебекке қатысты қылмыстық істің оның сатиралық жазбаларымен байланысты емес екенін мәлімдеген еді.
