Украина Президенті Владимир Зеленский ұлыбританиялық ITV News арнасына берген сұхбатында Ресеймен келіссөздерге дайын екенін, бірақ бір маңызды шартпен ғана келісетінін мәлімдеді, деп хабарлайды Ulysmedia.kz.
БАСТЫ ШАРТ
“Басты шарт – Батыстың қауіпсіздік кепілдіктері мен қолдауы”
Зеленскийдің айтуынша, Украина АҚШ пен Еуропаның уәделерінің сенімділігіне көз жеткізуі керек, бұл Киевке қолдаудың жалғасатынына кепілдік береді.
Зеленский Ресей президенті Владимир Путинмен тікелей келіссөздер мүмкіндігі туралы сұраққа жауап беріп, өз ұстанымын түсіндірді:
- Егер мен Америка мен Еуропаның бізді тастап кетпейтініне, бізге қолдау көрсетіп, қауіпсіздік кепілдіктерін беретініне сенімді болсам, кез келген форматтағы келіссөздерге дайын болар едім, – деді ол.
Украина президенті әділетті бейбітшілік Киев үшін маңызды екенін, алайда бұған дейін одақтастар тарапынан нақты қадамдар қажет екенін атап өтті. Атап айтқанда, бұл қауіпсіздік кепілдіктері мен Украина армиясына тұрақты қолдау көрсетуге қатысты.
СОҒЫС ҚАШАН АЯҚТАЛУЫ МҮМКІН
Зеленский Ресеймен қақтығыс егер оған қажетті жағдайлар жасалса 2025 жылы аяқталуы мүмкін екенін жоққа шығармады. Ол украиналықтардың соғыстың осы жылы аяқталғанын қалайтынын, сондай-ақ бұл пікірді АҚШ-тың бұрынғы президенті Дональд Трамп та қолдайтынын айтты.
Сонымен қатар, Зеленский жақын арада елде сайлау өткізуді қолдамайтынын мәлімдеді. Оның айтуынша, Украина халқы соғыс жағдайында дауыс беруді қолдамайды, ал әскери жағдайды жою армияның жауынгерлік қабілетіне қауіп төндіреді.
- Біздің барлық халқымыз соғыс кезінде сайлау өткізуге қарсы. Егер біз әскери жағдайды тоқтатсақ – армиямызды жоғалтамыз. Ал әскери қызметкерлерсіз дауыс беру – әділетсіз, деді Владимир Зеленский.
ТРАМПТЫҢ КОМАНДАСЫМЕН КЕЛІССӨЗ
Еске салайық, бұған дейін Зеленский Трамптың командасымен келіссөздер жүргізетінін мәлімдеген болатын.
- Алдағы апталар дипломатия тұрғысынан өте қарқынды болмақ. Біз бұл уақыттың тиімді және нәтижелі өтуі үшін қолдан келгеннің бәрін жасаймыз. Біз әрдайым президент Трамппен ынтымақтастықты жоғары бағалаймыз.
Сондай-ақ командалық деңгейде кездесулер мен келіссөздер жүргізуді жоспарлап отырмыз. Украина мен АҚШ командалары қазірдің өзінде келіссөздердің егжей-тегжейін талқылап жатыр. Берік және ұзақ мерзімді бейбітшілік жақындай түсуі керек, – деп жазды Зеленский.
Айта кетейік, бұған дейін АҚШ президенті Дональд Трамп жаңа америкалық әкімшілік Украина және Ресеймен кеңес өткізуді жоспарлап отырғанын мәлімдеген еді.
