Астанада сақалды құрылысқа айналған сауда орталығы сатылымға шығарылды

Астанада “Сити Палас” деп өзгертілген аяқталмаған көпфункционалды сауда-ойын-сауық орталығы 13,5 млрд теңгеге сатылымға қойылды. Бұрын бұл ғимарат “Respublika Plaza” атауымен белгілі болған.

ҚҰРЫЛЫС ЖҰМЫСТАРЫ

Қазіргі уақытта құрылыс жұмыстары тоқтатылған.

• Іргетасы мен қабырғалары – 100% дайын
• Шатыры – 20-30% дайын
• Жабын плиталары – толық аяқталған
• Қабырғалар – 90% дайын
• Сыртқы әрлеу – 85% орындалған
• Ішкі инженерлік желілер – 20% ғана аяқталған
• Аумақты абаттандыру – 40% деңгейінде
• Металл конструкциялар мен монолитті жұмыстар – 20% орындалған

Ғимарат жеңілбетон блоктарынан, газоблоктан және керамикалық кірпіштен салынған.

Нысан үш жер телімінде орналасқан:

• 1,1087 га болатын екі жер телімі жеке меншікке тиесілі
• 1,6645 га жер жалға алынған

Жақын маңда инженерлік коммуникациялар жүргізілген, ыңғайлы көлік жолайрығы бар.

САТУШЫ КІМ

Сатылым туралы хабарландырудың авторы – Jusan bank.

Еске сала кетейік, бұл ғимараттың құрылысы шамамен 10 жыл бұрын басталған, бірақ кейіннен тоқтатылған еді.