Астанадағы "Сергек" бейнебақылау камераларын Біріккен араб әмірліктерінен келетін инвесторлардың жаңа жүйесі алмастырады, деп хабарлайды Ulysmedia.kz.
Астана мәслихаты "Сергек" бейнебақылау жүйесімен шартты ұзартпау туралы шешім қабылдады. Оның орнына қалалық инфрақұрылымды басқару Біріккен Араб Әмірліктерінің жаңа инвесторына беріледі.
Қалалық цифрландыру және мемлекеттік қызметтер басқармасының басшысы Дидар Сүлейменов "Сергекпен" келісімшарттың қолданылу мерзімі 13 наурызда аяқталатынын айтады. Президенттің тапсырмасы және жобаны одан әрі дамыту шеңберінде G42 халықаралық холдингіне кіретін Presight компаниясына бейнебақылау жүйесін беру туралы шешім қабылданған.
НЕ ӨЗГЕРЕДІ
Камералар мен жабдықтардың көп бөлігі тұрақты жұмыс істеу үшін тұрақты электр қуатына және талшықты-оптикалық желілерге қосылады.
Нақты уақыт режимінде деректерді өңдеу мүмкіндігі бар бейне ағынын берудің бірыңғай жүйесі құрылады.
Жаңа жоба жалпы бақылауға арналған 22 мың камераны, қиылыстардағы 732 бақылау бекетін және жолдардағы 470 бекетті қамтиды.
Жол қозғалысы ережелерін бұзу жайттары автоматты түрде тану жүйесі (15 түрі) және бейне ағындарын талдау үшін (35 түрі) енгізіледі.
ЖАҢА ЖҮЙЕ ҚАШАН ІСКЕ ҚОСЫЛАДЫ
Жоба 2030 жылға дейін есептелген. Бастама шеңберінде оқиғаларға жедел ден қою үшін шұғыл және коммуналдық қызметтерді біріктіретін бірыңғай ахуалдық орталық құрылады.
КІМ ҚАРЖЫЛАНДЫРАДЫ
Жеке серіктестің инвестицияларының жалпы көлемі 53 миллиард теңгені құрайды. Қаржыландыру инвестордың қаражаты есебінен толығымен жабылады, ал қазақстандық компаниялар жұмыстың 60% орындайды. Жеке серіктеске төлем барлық жұмыстар аяқталып, жүйе пайдалануға берілгеннен кейін ғана беріледі.
"СЕРГЕК"
Бұл қаланың жолдары мен көшелеріндегі құқық бұзушылықтарды тіркейтін интеллектуалды бейнебақылау, талдау және болжау жүйесі. Бір кешен бір немесе бірнеше камерадан тұрады. Қазақстан қалаларында орнатылған камералардың жалпы саны 30 мыңға жуық.
Жалпы бейнебақылау камераларынан алынған суреттер қалалық ахуалдық орталықтарға жіберіледі, онда полиция қызметкерлері жағдайды бақылап, қажет болған жағдайда шаралар қабылдай алады.
