Биылғы наурыз айында қазақстандықтар мереке және демалыс күндерін қосқанда жиыны 14 күн демалады, деп хабарлайды Ulysmedia.kz.
«Қазақстан Республикасының мерекелер туралы» заңының 3-бабына сәйкес, 8 наурыз - Халықаралық әйелдер күні мен Наурыз мейрамы - мемлекеттік мереке ретінде белгіленген. Осы заңның 5-бабына сәйкес, Қазақстан Республикасында мемлекеттік мереке тойланатын күндер демалыс болып саналады.
Биыл Ұлыстың ұлы күні – Наурыз мейрамы 21-23 наурыз аралығында тойланады. Бірақақ 22 наурыз сенбіге, ал 23 наурыз жексенбіге тұспа-тұс келетіндіктен, дүйсенбі мен сейсенбі демалыс күндері ретінде есептеліп, нәтижесінде қазақстандықтар бес күн - 21, 22, 23, 24 және 25 наурыз күндері демалады.
Аптасына алты күн жұмыс істейтіндерге сейсенбі, 25 наурыз - жұмыс күні, ал 21, 22, 23 және 24 наурыз - демалыс күндері болып саналады.
