Өзінің гомосексуал екенін ашық мойындаған алғашқы имам Мухсин Хендриксті белгісіз біреулер атып кеткен, деп хабарлайды Ulysmedia.kz.
Мұхсин Хендрикс, әлемдегі ашық гомосексуал екенін мойындаған алғашқы имам ретінде танылған көшбасшы.
57 жастағы дін қызметкері Кейптаунда гомосексуалдар мен басқа да оқшауланған мұсылмандарға қауіпсіздік орны болып саналатын мешітте басшы болған.
Оған өткен сенбіде Оңтүстік Африкадағы Гкебера қаласына жақын жерде қастандық жасалған.
“Бет жүзі жабық екі белгісіз күдікті көліктен түсіп, имамның көлігіне бірнеше рет оқ жаудырды", - делінген полиция мәлімдемесінде.
57 жастағы дін қызметкеріне қастандық жасауға не себеп болғаны әзір белгісіз.
