БҚО-да жантүршігерлік жол апатынан шекарашы қайтыс болды. Полиция мәліметінше, жол апатына қатысты тергеу амалдары жүріп жатыр, деп хабарлайды Ulysmedia.kz.
ҚАЙҒЫЛЫ ОҚИҒА
Жол апаты 24 ақпанда Қазталов – Өнеге – Жәнібек тасжолында болған.
Ford Focus жүргізушісі жүк көлігін басып озамын деп қарсы жолаққа шығып, Chevrolet Cobalt-пен соқтығысқан. Салдарынан үш адам қаза тауып, Ford Focus-та отырған төрт жолаушы зардап шеккен.
“Мой город” мәліметінше, қаза тапқандардың бірі шекара қызметшісі.
Қазіргі уақытта полиция сотқа дейінгі тергеу амалдарын жүргізіп жатыр. Қылмыстық іс қозғалды.
