Талдықорғанда жолаушылар отырған көлік мұз астына түсіп кетті

МӘН-ЖАЙ

Жетісу облысында, Талдықорған қаласынан 5 шақырым қашықтықта, демалыс орны маңында өзен арқылы өту кезінде екі жеңіл автокөлік жартылай мұз астына түсіп кетті.

ҚҰТҚАРУ ОПЕРАЦИЯСЫ

ТЖМ жедел-құтқару жасағының күшімен көліктер Балықты өзенінің сағасынан жағаға шығарылды. Барлығы 5 адам құтқарылды, медициналық көмек қажет болмады.

ЕСКЕРТУ

ТЖМ мұз үстімен жүрудің қауіпті екенін ескертеді және қауіпсіздік шараларын сақтауға шақырады. ТЖМ тоңу және үсіп қалуды болдырмау үшін қарапайым тәртіп ережелерін еске салады:

Бос, көп қабатты киім кию;

жылы аяқ киімге ерекше назар аударыңыз;

аязға қолғапсыз, биялайсыз, бас киімсіз және мойынорағышсыз шықпаңыз;

терінің жалаңаш бөліктерінің металмен жанасуын болдырмау;

үсік шалған дене бөлігін қайта тоңазудан сақтаңыз, себебі бұл терінің одан әрі зақымдануына алып келеді;

аяқ-қолдардың тоңып қалуы кезінде үсіп қалу қаупі бар жерлерді жылыту және тексеру үшін кез келген жылы жерге (дүкен, кафе, кіреберіс) мүмкіндігінше тезірек кіру қажет;

желден қорғаныңыз, себебі желде үсік шалудың ықтималдығы әлдеқайда жоғары.