Бүгін, 6 наурызда Қазақстан мұсылмандары діни басқармасының мұрындық болуымен «Рамазан сыйы» қайырымдылық марафоны басталды, деп хабарлайды Ulysmedia.kz.
ДӘЙЕКСӨЗ
Рамазан айында қайырымдылық жасап, мұқтаж жандарға көмектесу – үлкен сауапты іс. Пайғамбарымыз Мұхаммед (оған Алланың салауаты мен сәлемі болсын): «Кімде-кім бауырының қажетін өтесе, Алла оның қажетінде болады...» – деген. Осыған байланысты біз Қазақстан мұсылмандары діни басқармасының 35 жылдығына орай қасиетті Рамазан айынан бастап еліміз бойынша «35 мың азық-түлік себетін тарату» акциясын қолға алдық. Игі жоба жыл бойы жалғасады. Қайырымдылық акция аясында мұқтаж жандарға тиісті әлеуметтік көмек көрсетіледі, - деді Бас мүфти Наурызбай қажы Тағанұлы.
Айта кетейік, қайырымдылық марафоны жыл соңына дейін жалғасады және акция аясында 35 мың отбасына азық-түлік себеттері таратылады.
