Украина омбудсмені Politico басылымына берген сұхбатында Батыстың Ресеймен бизнес жүргізуге қайта оралуы тек "уақыт мәселесі" екенін, бірақ бұл дұрыс шарттар аясында жүзеге асуы тиіс екенін мәлімдеді, деп хабарлайды Ulysmedia.kz.
САНКЦИЯЛАР АЛЫНУЫ МҮМКІН
Украина президенті Владимир Зеленскийдің санкциялық саясат жөніндегі уәкілі Владислав Власюктің айтуынша, Батыстың Ресейге қарсы енгізген санкциялары Украина бойынша бейбіт келісім аясында алынып тасталуы мүмкін. Власюктің сөзіне сүйенсек, бұл үдеріс тек "уақыт мәселесі", бірақ ол дұрыс шарттармен жүруі керек.
ӘЗІРГЕ НАҚТЫ АЙТУ ЕРТЕ
Оның айтуынша, мұндай келісімдер аясында қандай шектеулердің алынып тасталатынын айту әзірге ерте.
"Қазіргі уақытта біз тек алдымен Ресейдің осы бағытта (бейбітшілікке қарай – ред.) елеулі қадамдар жасауын қамтамасыз еткіміз келеді, содан кейін ғана санкцияларды алып тастау туралы айтуға болады", – деп баса айтты украиналық шенеунік.
"БІЗ БҰЛ ТЕТІКТІ АҚЫЛМЕН ПАЙДАЛАНУЫМЫЗ КЕРЕК"
Власюктің айтуынша, қай шаралардың ең ауыр соққы болатынын білу әрқашан пайдалы.
"Және біз бұл тетікті ақылмен пайдалануымыз керек", – деп мәлімдеді ол.
Сондай-ақ, ол Ресейге қарсы санкциялар жөніндегі халықаралық жұмыс тобының хатшысы.
ҰЗАҚ МЕРЗІМДІ КЕЛІСІМДЕГІ ӘДІЛЕТТІЛІК ТАЛАБЫ
Кез келген ұзақ мерзімді келісім аясында Киев "халқымыз үшін әділеттілікті" талап ететін болады, бұл, мүмкін, "украиналықтарға өтемақы төлеуді" қамтитын болады деп атап өтті Власюк.
