Қызылорда облысының әкімі Нұрлыбек Нәлібаевтың Наурыз мерекесіндегі сән-салтанатқа толы жүрісі желіде қызу талқыланып жатыр, деп хабарлайды Ulysmedia.kz.
Журналист Асхат Ниязов жариялаған кадрларда әкімнің Наурыз мерекесіне үлкен кортежбен, қымбат Chevrolet Tahoe автокөлігімен келгені бейнеленген. Көліктің есігін оған, болжам бойынша, көмекшісі ашып берген.
Бүгін Шиеліде Наурыз мейрамы аясында Қызылорда облысының әкімі Нұрлыбек Нәлібаев келді. Әрине, қалың нөкерімен және үлкен кортежімен. Мұндай көліктерді – Maybach пен Chevrolet Tahoe-ды – жергілікті халық тек әкімдер келген кезде ғана көреді. Әкім көлігінің есігін өзі ашпайды. Бұған да үйрендік. Сондай-ақ, барлық бюджет қызметкерлерін жаппай жинап әкелгеніне де таң қалмаймыз. Бірақ мені басқа сұрақ мазалайды: мемлекеттік қызметкерлерге тек отандық өндірістегі көліктерді пайдалануға міндеттейтін ереже күшін жойды ма?" – деп жазады журналист.
Қоғамның пікірі
Желі қолданушылары мемлекеттік қызметшілер қарапайымдылық танытып, халыққа жақын болуы керек деген пікірде:
"Шенеуніктерге тек отандық көлік міну керек деген талап күшін жойған ба?"
"Біреу видеоға түсіретінін білмей қалған сияқты ғой."
"Бәрі Назарбаев сияқты болғысы келеді."
"Жақсы өмір сүруге тыйым жоқ. Бірақ бұл тым артық емес пе?"
"Ол өзін президент секілді ұстай ма?" – дейді олар.
Әкімдіктің түсіндірмесі
Кейінірек журналист Асхат Ниязов Қызылорда облысы әкімдігінен өзіне қоңырау шалғанын хабарлады. Әкімдік өкілдері Maybach көлігінің Нәлібаевқа тиесілі емес екенін айтты.
Оның кімге тиесілі екенін білмейді. Ал Chevrolet Tahoe (ең минималды жабдықталған нұсқасының өзі 45 млн теңге тұрады) әкімдікке тиесілі. Бірақ, назар аударыңыз, оны әкімдікке ДЕМЕУШІЛЕР СЫЙҒА ТАРТҚАН! Кім сыйлағаны және қандай мақсатпен тарту еткені белгісіз. Бұл жерде тағы бір заңды сұрақ туындайды: әдетте бизнесмендер балабақша, саябақ, мешіт салып береді. Бірақ әкімге қымбат жол талғамайтын көлік сыйлау – бұл қалай? Ах, иә. Сондай-ақ, әкімнің көлік есігін кім ашып бергенін де сұрадым. Әкімдік бұл жайында ештеңе білмейтінін айтты," – деп жазады журналист.
Нұрлыбек Нәлібаев туралы ақпарат
Нұрлыбек Нәлібаев Қызылорда облысының әкімі қызметіне 2022 жылдың сәуір айында тағайындалған. Желтоқсан айында ол бұл қызметке қайта бекітілген
Бұған дейін Сапарбаев-Нәлібаев әулеті жөнінде Ulysmedia.kz мақала жариялаған еді.
